1111 سويس أون لاين | شاعر الشرطة يهاجم وزير الداخلية 

شاعر الشرطة يهاجم وزير الداخليةالخميس 26 ديسمبر 2013 - 06:28 مساءً

شاعر الشرطة يهاجم وزير الداخلية

ملازم أول سامح الصعيدى

كتب - نرمين عمران

هاجم سامح الصعيدى ملازم أول، وزير الداخلية اللواء محمد إبراهيم، فى قصيدة شعرية بعنوان " مرسول إاليك ".
 
و كان سبب هجومه، ما حدث الآونة الأخيرة، وإستشهاد رجال الشرطة على يد الإرهاب الآثم، و بالأخص ذهاب الوزير لمدة نصف ساعة فقط فى أحداث المنصورة.
 
كل ذلك كان سبب فى إثارة غضب سامح وعدم تقبله لما يحدث لرجال الشرطة.
 
نص القصيدة "مرسول إليك"...
 
من فوج عظيم قاعد يموت
وأنت جبان كلك سكوت
والظلم بيك
مرسول إليك
إن الوطن لو راح يخاف
دايما نشيله على الكتاف
ويهون عليك
كمان كمان
مرسول إليك
إنك كفيف وإنك عن حقي ضعيف
أبان أنا ف دور الخسيس
وتلعب على دور الشريف
واللعبة بأيديك
مرسول إليك
قوس قزح أنته أبوه
ألوان كتير وفيك تتوه
مرة مرسي أنته أيديه ومرة سيسيى نور عنيه
وأنته مكشوف حواليك
مرسول إليك
إنى مليت التحية
فى الفراق
أودع زميلى وبينا
مليون اتفاق
وباتفاق بينا وكمان وبالخناق
وبالأيمانات
والله العظيم وعلى الطلاق
أنته جبان وضعيف كمان
ومدير إدارة ف النفاق
ونفسي أقول شيء إليك
ارحل يا عم أبوس أيديك
مرسول إليك
من أم ضناها اتنسف
من بنت أبوها اتخطف..
من زوجة جوزها من حياتها.. اتحذف 
امتى على دم أهلي تنكسف وتشوف عنيك
مرسول إليك
وقت النزال تصرخ.. تقدم
أقول أمين
مافيش سلاح.. تقول كفاح
أقول أمين
ويموت أمين ومينا وأحمد
وعلى شاشة عاهرة
ألاقيك تقول مكلين
حرام عليك
مرسول إليك
ان فرعون مين فرعنه
غير جبن ناس وان النمرود من نمرده
غير جبن ناس
وانى بقول
ليه الكلام
ده من الاساس
ماكنت اسكت..
طب كنت اعدى
ف كل الاحوال الوضع ضدى
وهكون مداس
راكع اليك
مرسول اليك
قل هو الله احد
ولا اخاف من احد
وإن تعالى الظلم يوما
ع الجميع والقطيع والولد
هى صاعقه او صيحه واحده
ولك ف القيامه حبل مجيد
من مسد
يهدى اليك
مرسول اليك
انى وحدى ايوه وحدى
وعايز تجازى جازينى وحدى
مافيش بيه واقف ف ضهرى
ايوه اعلنت بربى أنا التحدى
على معاليك
مرسول اليك
الشمس تشرق ع الحدود من شروقى
والدم يفرح يقوم ويرقص من عروقى
ملعون أبوك ياخوف ف يوم لوراح تهز البطل
مافيش حصا يهز حجر
ولا حجر يقدر ف يوم ينقل جبل
كفايه عك العبد لوزادت قيوده
راح يفك الكرسى راحل مش راح يدوم
مفيهاشى شك
دم شهيدي لو هان عليك تهون عليا
مفيهاشى شك قصر الكلام.. كله لك
.. كله ليك وهو فيك والرسالة مني
حبرها كله بدمي هاديها ليك كل سطورها
مرسول إليك





التعليقات

1

00
السبت 17 مايو 2014 - 12:44 صباحاً

قطع لسان يا معفن ماهو الراجل شايل روحه علي ايده وكان هيغتالوه قليل الادب سافل صحيح خسارة تعيش في خير الوزارة دي كتك نيلة في لسانك صعيدي معفن جربوع صحيح

اضف تعليق



تعليقات الفيس بوك



استطلاع رأي

هل توافق على غلق كافتيريات كورنيش السويس؟

  • نعم. أوافق
  • لا. أوافق
  • لا أعلم

Ajax Loader

جميع الحقوق محفوظة © 2010 - 2012 موقع سويس أون لاين